Image

Haol de buttons en de pètjskes mer weer oet de kas, 't geit gebeure! Op zaoterdig 24 juni 2023 viere weer ós 25-jaorig besjtaon mit uch op "De Sjöttewei" in Baakhaove. En waat is ein baeter maneer om dit te viere den mit de beroemde Aenjerace? 100 gael aenje per manch die tegeliek De Roaj Baek aafsjtruime op waeg nao de finish naeve De Sjöttewei. De Aenjerace besjtuit oet versjillende manches, wobie diverse prieze te wènne zeen. Aan 't eind van de race zal d'r ein spectaculaire finalerace plaatsvènje. Dus sjrief dich sjnel in veur de race en waem wèt geis dich waal mit eine geweldige pries nao hoes! Dit evenement is gratis toegankelijk.

Bezeukers kènne op dees pagina aenje reservere, veur € 5,- per sjtök, door 't insjriefformulier in te völle. Mer auch bedrieve kènne mitdoon mit de Sjponsor Aenjerace. Sjponsor aenje koste € 10,- per sjtök, auch via 't insjriefformulier te reservere. De betaling volg achteraaf via ein betaalverzeuk. Op de daag van de race hange d'r lieste mit de nummers van de aenje op, mit dao achter de naam van de eigenieër.

Hoofprieze veur nummer 1, 2 en 3: € 200,- € 100,- en € 50,-. En d'r zeen natuurlijk nog diverse extra prieze te wènne. Bedrieve die deilnumme aan de Sjponsor Aenjerace kènne ludieke prieze wènne en natuurlijk ieëwige roem!

't jubileumfieës wurdt aangekleijd mit live-optraejes van Nuchter Vertroch en Skartacus. Auch höbbe weer veur auwt-leeje ein reünie georganiseerd, wo auw herinneringe kènne waere opgehaold. En uiteraard zal d'r voldoende drank en aete aanwezig zeen om 't fieës compleet te make, mit zelfs ein Aspro Brews speciaal beer paviljoen. Veur de kleintjes zal d'r tösje de foodcorner en de reünie-tent ein fijn sjprèngkösse sjtaon. De wei geit om 14:00 oer aope en 't programma eindigt om 23:00 oer op De Sjöttewei. Mer gein zörg, want aansjloetend sjtart de afterparty in "Aetcafé d'n Hook". Hie kènt nog tot in de late uurkes gedans waere op de plaetjes van de DJ.

Mis deze speciale daag neet en sjrief dich in veur de Aenjerace of ès sjponsor via 't insjriefformulier op dees pagina. Weer kieke d'r haer oet om deze mijlpaol same mit dich te viere op De Sjöttewei in Baakhaove op 24 juni. Tot den!

Ès d'r nog vraoge zeen kènse die sjtelle door eine mail te sjtuure nao: info@zaateweg.com.

Insjrieve Aenjerace 2023 = gesjlaote!

Gereserveerd
0
Aenje

Image
Image

Image